सुचनाको हक बारे जानकारी पाउँदा खुसी (फोटो फिचर सहित)

धनगढी २ फुलबारी । सुचनाको हकको सन्देश गाउँगाउँमा पुर्याउन एफएमडिसी सञ्चालन गरेकोे आरटीआई क्लिनीक अर्थात सुचनाको हक सहायता तथा परामर्श शिविर धनगढी उपमहानगरपालिका १८ फुलबारीमा सम्पन्न भएको छ ।

धनगढी उपमहानगरपालिका वडा नम्बर १८ का वडा अध्यक्ष मुरारी अधिकारीले शिविरको उद्घाटन गर्दै सुुचनाको हकको प्रयोगले समाज रुपान्तरणमा महत्वपुर्ण भुमिका खेल्ने बताउनु भयो ।

कार्यक्रममा प्रमुख अतिथीको रुपमा बोल्दै उहाँले सुचनाको हक सम्बन्धी आम समुदाय जानकार भए सभ्य समाज निर्माण हुने बताउनु भयो ।
कार्यक्रमका सहभागिहरुले सुचनाको हकका बारेमा जानकारी पाउँदा आफुहरु खुसी भएको बताएका थिए ।

धनगढी उपमहानगरपालिका वडा नम्बर १८ मा बस्ने गोमा न्यौपानेले यस बारेमा आफुलाई पहिले केही थाहा नभएको अहिले धेरै कुरा जान्न पाएको बताए । कार्यक्रममा सहभागि अञ्जली भण्डारीले पनि सुचनाको हकको प्रयोग कसरी गर्ने र यो प्रयोग गरेपछि के फाईदा हुन्छ भन्ने बारे थाहा पाएको बताए ।

त्यस्तै पुजा चापागाईले पनि यस कार्यक्रमबाट सुचनाको हकका बारेमा थाहा पाउँदा धेरै खुसी लागेको बताउनुभयो ।

कार्यक्रममा एफएमडिसीका कार्यक्रम संयोजक ओम जोशीले कार्यक्रमको बारेमा जानकारी दिनुभएको थियो ।

एफएमडिसीले बिगत लामो समय देखि सुचनाको हकलाई अभियानको रुपमा सञ्चालन गर्दै आएको छ ।

बिहान १० बजे देखि दिउँसो ४ बजे सम्म सञ्चालन भएको सुचनाको हक सहायता तथा परामर्श शिविरमा धनगढी उपमहानगरपालिका वडा नम्बर १८,१४ लगाएत आसमासका नागरिकहरुले सुचनाको हक सम्बन्धी जानकारी र परामर्श लिनु भएको थियो ।