अन्तिम ओभरसम्म पुगेको खेलमा काठमाण्डौको रोमान्चक जित
धनगढी । धनगढीमा आजदेखि सुरु भएको तेस्रो संस्करणको धनगढी प्रिमियर लिग ९डिपिएल० क्रिकेट अन्तर्गत काठमान्डौ गोल्डेन्सले धनगढी स्टार्सलाई ४ विकेटले पराजित गर्दै बिजयी सुरुवात गरेको छ।
धनगढीले दिएको १३३ रनको बिजयी लक्ष्य काठमाण्डौले एकबल अगावै ६ विकेट गुमाएर पुरा गर्यो।
काठमाण्डौको लागि गौरव तोमर र अनिल शाहले राम्रो सुरुवात दिलाएका थिए। पहिलो विकेटको रुपमा आउट हुनुअघि तोमरले २८ रनको पारि खेल्दै ६ ओभरमा ३२ रनको साझेदारी गरे।
दोश्रो विकेटको लागि भारतीय खेलाडी अंकित दबासले अनिलसँग मिलेर ५७ रनको साझेदारी गरे। दबास २३ बलमा २ चौका र त्यतिनै छक्का हान्दै २६ रन बनाएर मुस्तफाको पहिलो सिकार बनेका थिए। टिमको तेस्रो विकेटको रुपमा अनिल शाह पनि २४ रनको स्कोर बनाएर मुस्तफाकै सिकार बने।
त्यसपछि लगातार ज्ञानेन्द्र मल्ल ३ रन, सोनु तामांग २ रन, योगेन्द्र कार्की २ रन बनाएर आउट भएपछी धनगढी कुनै समय १०४र६ को स्थितिमा थियो।
टिमलाई जितको लागि अन्तिम ओभर ८ रन आबश्यक रहेको बेला बिक्रम भुसाल र मेहबुब आलम क्रिजमा थिए। सोमपाल कामिले युएईका बलर आमिर ह्यातलाई बलिंग गराएका थिए।
पहिलो बलस् आलम १ रन
दोश्रो बलस् बिक्रम नो रन
तेस्रो बलस् बिक्रम १ रन
चौथो बलस् मेहबुब २ रन
पाचौं बलस् मेहबुब चौका
यो संगै सातौँ विकेटको लागि बिक्रम भुसाल र मेहबुब आलमले २।५ ओभरमा २९ रनको साझेदारी गर्दै टिमलाई जित दिलाए। बिक्रमले अविजित १४ रन तथा आलमले अविजित १२ रन बनाए।
बलिंगतर्फ रोहन मुस्तफाले ४ विकेट लिनेक्रममा ४ ओभरमा २७ रन खर्चिए पनि जितको लागि पर्याप्त हुन सकेन। त्यस्तै अमिर ह्यात र बिपिन खत्रीले १र१ विकेट लिए।
फाप्ला क्रिकेट मैदानमा टस हारेर पहिले ब्याटिंग गरेको धनगढी स्टार्सले निर्धारित २० ओभरमा ५ विकेट गुमाएर १३२ रनको स्कोर बनायो। उसका लागि अमित श्रेष्ठले पहिलो खेलमा नै अर्धशतक प्रहार गरे।
अमित श्रेष्ठले ५० रनको पारि खेल्दै बोल्ड आउट हुनुअघि ५० बलमा ४ चौका र २ छक्का प्रहार गरे।
रोहन मुस्तफा खाता नखोल्दै रन आउट भएका थिए। धमलाले ३ रन बनाए भने सन्दिप रजाइलीले २८ रन ९३५ बल, ४ चौका० को पारि खेल्दै अमितसँग तेस्रो विकेटको लागि ४८ रनको साझेदारी गरे।
त्यस्तै पवन सर्राफले १८ बलमा १ चौका सहित १९ रन बनाउँदा सौरभ खनालले उत्कृस्ट फिनिशिंग गरे। खनालले अविजित २५ रन बनाउन मात्र १० बलमा ३ चौका र १ छक्का हाने। सोमपाल कामि २ बल खेलेर बिना कुनै रन अविजित रहे।
बलिंगतर्फ काठमाण्डौका नन्दन यादवले ३ ओभरमा मात्र ८ रन खर्चेर २ विकेट लिए। त्यस्तै ललित राजबंशी र अंकित दबासले समान १र१ विकेट लिए।
खेलमा ब्याटिंग तर्फ २९ रन तथा बलिंगमा १ विकेट लिएर २१ रन खर्चिएका अंकित दबास प्लेयर अफ द म्याच घोषित भए। उनले १५ हजार रुपैया हात पारे। यस्तै उत्कृस्ट क्याच गर्ने फ़िल्डर सन्दिप रजाइली र गेम चेन्जर खेलाडी बिक्रम भुसाल घोषित भए। बिक्रमले १० बलको सामना गर्दै दबाब समयमा २ छक्का सहित १४ रन बनाएका थिए।
"तपाईका लेख रचना र सूचना ईमेल वा सिधै फोन गरेर हामीलाइ पठाउनुस । स्रोत गोप्य राख्दै प्राथमिकताका साथ प्रकाशित गर्नेछौं।" -प्रधान सम्पादक
तपाइँको प्रतिक्रिया